Шағир ҡатыны булыу...

Зилә еңгәй мәсьәләне ҡабырғаһы менән ҡуйҙы: "Шағир ҡатыны булыуы профессия, беҙгә күргән зыян өсөн (за вредность!) түләргә кәрәк, фәлән-фәсмәтән..." Рәмил абзый инде хисләнеп китеп еңгәйгә бағышланған шиғырҙарын уҡый: "Мин, әсәһе, тағын ғашиҡ булдым, ул һәр яҡтан һиңә оҡшаған..."
Зилә еңгәй Салауат районынан булғас, абзый уға һәр ваҡыт "Салауатым!" тип өндәшһә, Күгәрсен районында тыуып үҫкән абзыйға еңгәй "Күгәрсенем!" тип яуап ҡайтарҙы. Улар үҙҙәре ошолай аралашыуҙан йәм таба, башҡаларҙы ла ҡыуандыра беләләр ине.
Эйәртешенеп, бер-бер артлы китте лә барҙылар. Иң тәүҙә Зилә еңгәй баҡый донъяға күсте, уның артынан Рәмил абзый тыр-тыр эйәрҙе. Күрәһең, шағир ҡатындарына теге тарафта ла шағирһыҙ ҡыйындыр...