Тере ҡалыуы ла насар түгел Фельетон

Өфөлә йәшәүселәрҙән берәү үҙенә һаулығы торошо буйынса белешмә юллай башлағас, бик уңайһыҙ хәлгә тороп ҡалған. Табиптар был кеше инсульт кисергән, етмәһә, эпилепсия менән яфалана, тигән һылтау менән белешмә биреүҙән баш тартҡандар. Тынғыһыҙ әҙәм үҙе йәшәгән ерҙә поликлиникаға барған һәм шуны асыҡлаған. Баҡтиһәң, ул насар ишетә, С гепатиты, астма, глаукома, катаракта, йөрәк сирҙәре менән йонсой һәм уға, ғөмүмән, руль тотоу ғына түгел, автобуста пассажир сифатында ултырып йөрөү ҙә зыянлы икән. Был кеше артабан киткән һәм үҙенең ауырлы икәнлеген асыҡлаған, хатта ике урында ҡатын-ҡыҙҙар консультацияһында иҫәптә тороуын белеп ҡайтҡан.

Был ваҡиғаға Һаулыҡ һаҡлау министрлығында техник хата, тигән баһа биргәндәр һәм тиҙ арала хатаны төҙәтергә булғандар.

Мәғлүмәт бөтөнләй күренмәй ҡалыр ине, әгәр мөрәжәғәт итеүсе кеше 48 йәшлек ир булмаһа.

Хаталарҙы табиптарҙың ҡабаланыуына ла һылтарға мөмкин булыр ине, ләкин бер шик бар. Беҙ Совет дәүерендә сыныҡҡан халыҡ, аҙ ғына сөскөрһәк тә дауаханаға ашыҡмайбыҙ, аяғөҫтө үткәрергә өйрәнгәнбеҙ. Шул уҡ ваҡытта һәр эшләгән кеше ай һайын страховкалау аҡсаһын теүәл түләп бара. Был осраҡта ла шул хәл ҡабатланмай микән? Мәҫәлән, теге йәки был кешене дауахана ишеген асырға ҡабаланмаһа ла, килде, ҡаралды, ҡотҡарып ҡалдыҡ, тип теркәп барыуы һис тә ауыр түгел. Бындай осраҡтар республикала йыш осрай. Шуның өсөн дауаханаға ауырыған осраҡта ғына түгел, профилактика, йәғни сирҙәрҙе иҫкәртеү өсөн барыу ҙа һис тә артыҡ булмаҫ.

Автор:Ралиф Кинзябаев

Читайте нас:

© 1925-2024 «Һәнәк» Республика сатира һәм юмор журналының сайты. Сайт Республиканского журнала сатиры и юмора «Хэнэк» («Вилы»). Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций по Республике Башкортостан 20 февраля 2017 года. Свидетельство о регистрации ПИ № ТУ02-01584

Баш мөхәррир: Илгиз Вәкил улы ИШБУЛАТОВ

Телефон

(347)292-77-60

Электрон почта

[email protected]

Адресы

450079, Башҡортостан Республикаһы, Өфө ҡалаһы, Октябрҙең 50 йыллығы урамы, 13. Республика Башкортостан, г. Уфа, ул. 50-летия Октября, 13.

Редакция

(347)292-77-60

Ҡабул итеү бүлмәһе

(347)292-77-60