-30 °С
Болотло
75 лет Победы
Бөтә яңылыҡтар

Шәкәр бар, ләкин ул юҡ Фельетон

Туҡһанынсы йылдарҙан ҡалған дефицит һәм хаҡтарҙың йүгәнһеҙ артыуы шөбһәләндереп ҡуйҙы. Ҡурҡытмай ни, һәр ғаиләнең төп аҙыҡтарының береһе булған шәкәр сауҙа нөктәләренең кәштәһенән юҡ булды. Юҡ булһа тағы бер хәл, хаҡы артып ҡуйҙы бит әле. Рәхмәт капитализмға. Ниһайәт, колбасаның 50-нән артыҡ төрө булыуына, өйөлөп ятыуына һәм тәменә өйрәндек. Ә эргәлә генә ғүмер буйы өйөлөп ятҡан шәкәр һепереп алырлыҡ та юҡ. Халыҡ һуңғы аҡсаһын йомарлап, бер-бер артлы береһенән-береһе ҙурыраҡ супермаркеттарҙы барлай һәм шәкәр юҡлығына ғәжәпләнә.

Шәкәр бар, ләкин ул юҡ    Фельетон
Шәкәр бар, ләкин ул юҡ Фельетон

Борсолмағыҙ, йәмәғәт, беҙҙә шәкәр бар, һәм ул етерлек. Ике завод йыл һайын республикала йәшәүсе 4 миллионлы халыҡҡа етерлек тәмлекәс етештерә. Күрше өлкәләргә лә оҙатабыҙ, сит илдәр ҙә һатып ала.

Был осраҡта шәкәрҙең күплегенә, хаҡтарҙың артыуына ниндәй аңлатма бирергә? Һәр баҙар өсөн төп ҡанун шул: һәр береһе үҙенең тауарын ҡиммәтерәккә һатырға тырыша. Рәсәйҙә һәр кеше был законды белә, ләкин дөрөҫ файҙаланыуҙан алыҫ тора. Сөнки баҙар менән боҫоп ҡына, йәки күренмәйенсә идара итеүсе көстәр бар, ләкин беҙ уларҙы фашлай ғына белмәйбеҙ. Сит илдәрҙә, мәҫәлән, бындай мутлыҡтар бик ҡиммәткә төшә һәм магазин хужалары бындай оятһыҙлыҡҡа юл ҡуймай. Беҙҙә, мәҫәлән, бындай мутлыҡ өсөн 5 мең һум штраф түләтәләр икән. Шулай булғас, мутлашмай, нимә эшләһендәр инде.

 

Р. Ҡарабаев.

 

 

Автор:Ралиф Кинзябаев
Читайте нас в